Swarangal / സ്വരങ്ങൾ

Malayalam lyrics

സ്വരങ്ങൾ സപ്തസ്വരങ്ങൾ
സ്വപ്നങ്ങൾ എന്റെ സ്വപ്നങ്ങൾ
സ്വരസുന്ദരിമാരെ നിങ്ങളുറങ്ങും
സോപാനമല്ലോ സ്വർഗ്ഗം
സ്വർണ്ണരഥത്തിൽ നിങ്ങളയയ്ക്കും
സ്വപ്നങ്ങളല്ലോ കാലം
(സ്വരങ്ങൾ...)
ശംഖൊലി ഉണരുമീ മാനസക്ഷേത്രത്തിൽ
സംഗീതപൂജ തുടങ്ങീ സർഗ്ഗ സംഗീതപൂജ തുടങ്ങീ (2)
പ്രണവം ചൊല്ലും ചുണ്ടുകളാൽ ഞാൻ (2)
പ്രഭാതഗീതികൾ പാടീ
ഞാൻ പാടീ..
(സ്വരങ്ങൾ...)
മാധവമണഞ്ഞൊരീ മലർവനിയിൽ
മധുമഞ്ജരികൾ വിടർന്നു മാനസ മധുമഞ്ജരികൾ വിടർന്നു
പുളകം പൂക്കും പൂവുടലോടെ (2)
ത്രികാലപൂജയ്ക്കൊരുങ്ങീ
ഞാൻ ഒരുങ്ങീ
(സ്വരങ്ങൾ..)