Malayalam lyrics

സൂര്യഹൃദയം തേങ്ങുമെങ്കിൽ
മിഴികളൊഴുകും മൂകമായ് (2)
ചെറുവിരൽ തുമ്പണയുമെങ്കിൽ
മനസ്സു തേടും പൈതലായ് ( സൂര്യഹൃദയം … )
കാറ്റിലുലയും തിരിയേനോക്കി
കാവൽ നിൽക്കും സൌഹൃദം
വഴിപിരിഞ്ഞൊരു വഴിയിലൂടെ
പരതിയെത്തും സൌഹൃദം
ഇരുൾ പടർന്നൊരു മനസ്സിൽ കനവിൽ
പുലരിയാണീ സൌഹൃദം
തിരകളിളലകും സാഗരത്തിൽ
തീരമാണീ സൌഹൃദം ( സൂര്യഹൃദയം … )
വലം പിരിശംഖിൽ തീർത്ഥമായ്
അമൃതു പകരും സൌഹൃദം
പൂർവ്വജന്മം  തപമിരുന്നൊരു
സുകൃതമാണീ സൌഹൃദം
ജീവജലമായ് വരളും നാവിനു
പ്രാണനേകും സൌഹൃദം
പാഴ് മരുഭുവിൻ  സാന്ത്വനത്തിൻ
കുളിർമഴയാണീ സൌഹൃദം ( സൂര്യഹൃദയം … )

Song details

Music: രവി ജെ മേനോൻ

Film/album: പുലിവാൽ പട്ടണം