Roman script
shabaab-e-raftaa ki ab koi yaadagaar nahi
bahaar me bhi wo ragini-e-bahaar nahi
kabhi hayaat ki zaamin kabhi wasilaa-e-marg
nigaah-e-dost teraa koi etabaar nahi
bahaar asl me hoti hai dil ki shaadaabi
nazar ke saamane jo kuchh hai wo bahaar nahi
tere jamaal kaa jab tak na iznu mil jaaye
kisi charaag ko jalane kaa ikhtiyaar nahi
hayaat me koi tufaan aane wala hai
bahut dino se koi mauj beqaraar nahi
wo ab bhi mujhase hai naaraaz kya karun rana
salaam karane ka unako gunaahagaar nahi
Explore this song