Saayam Sandhyayil / സായംസന്ധ്യയിൽ

Malayalam lyrics

സായംസന്ധ്യയിൽ ശരപ്പൊളിമാലതൻ
ചായം ശശിലേഖ കവർന്നെടുത്തു (സായം)
ചാമരം വീശിയ കാറ്റുമറിഞ്ഞില്ല
ചാരുത നക്ഷത്ര ജാലവും കണ്ടില്ല
രാവിൻ മിഴി നാണം ചിമ്മി നിന്നു (2)
സായംസന്ധ്യയിൽ...
ദീപം സാക്ഷിയായ് കൈകൂപ്പി നിന്നൊരു
പൂവിൻ തേന്മനം ആരെടുത്തു? (ദീപം)
പൂമൂടലായിരുന്നു ഭവാനുമാ
പൂമിഴി മെല്ലെ അടച്ചിരുന്നു (പൂമൂടൽ)
സായംസന്ധ്യയിൽ...
കാലം സാക്ഷിയായ്‌ നിൻ കണ്ണിണകൾ തൻ
ജാലം കണ്ടുണർന്നീടുവാനായ് (കാലം)
പാതിരാവായി നീർമിഴി പൂട്ടാതെ
പാരിജാതം പകൽ പാർത്തിരുന്നു (പാതിരാവായി)
(സായംസന്ധ്യയിൽ)