Malayalam lyrics

രാഗ തരംഗിണീ ഓ...ഓ...
രാഗ തരംഗിണീ നീയണയുമ്പോൾ
രാധാ മാധവ സ്മൃതിയുണരും
ഞാനറിയാതെൻ പ്രാണനാളികയൊരു
വേണുവായ്‌ മാറും കനക വേണുവായ്‌ മാറും
രാഗ തരംഗിണീ
ഹൃദയമുരളിയിൽ രാധിക നീയൊരു
മദന മനോഹര രാഗമായി (2)
ഓരോ ചുംബന വർണ്ണങ്ങളിലും ലയ
വൃന്ദാവന മലരൊളിയായ്‌(2)
മലരൊളിയായ്‌ ഒളിയായ്‌... (രാഗ തരംഗിണീ)
കവനയമുനയിൽ കാമിനി നീ നവ
മാര കാകളി കേളിയാടും
ഓരോ സങ്കൽപ്പ നൂപുര മണിയിലും
രൂപക ഭാവന നൃത്തമാടി(2)
നൃത്തമാടി ആടീ...(രാഗ തരംഗിണീ)

Song details

വർഷം: 1973

സംഗീതം: ജി ദേവരാജൻ

ഗാനരചന: ശ്രീകുമാരൻ തമ്പി

ഗായകർ: കെ ജെ യേശുദാസ്

വിശദവിവരങ്ങൾ: സൂസി

Album: പ്രേതങ്ങളുടെ താഴ്‌വര