Malayalam lyrics

പ്രിയമാനസാ നീ വാ വാ
പ്രേമമോഹനാ ദേവാ
വാതില് തുറന്നു നിന്‍
വരവും കാത്തിരിപ്പൂ ഞാന്‍
(പ്രിയമാനസാ)
ആടകള്‍ അണിഞ്ഞെന്റെ
ആത്മനാഥാ നിന്‍ മുമ്പില്‍
ആടണം എനിക്കൊന്നു
മനം കുളിരെ ദേവാ
(പ്രിയമാനസാ)
പല്ലവാധരങ്ങളില്‍
പുല്ലാങ്കുഴല് ചേര്‍ത്ത്
സല്ലീലം അതിലൂടെ
പ്രേമസാമ്രാജ്യം തീര്‍ത്ത
നായകാ നിന്നോടൊത്തു
നടനം തുടങ്ങീടുമ്പോള്‍
ആത്മാവില്‍ എനിക്കെന്തൊ-
രാനന്ദമാണ് ദേവാ
(പ്രിയമാനസാ)

Song details

വർഷം: 1963

സംഗീതം: വി ദക്ഷിണാമൂർത്തി

ഗാനരചന: അഭയദേവ്

ഗായകർ: പി ലീല

രാഗം: ദേവഗാന്ധാരി

വിശദവിവരങ്ങൾ: Malayalam Lyrics added by Latha Nair

Album: ചിലമ്പൊലി