Malayalam lyrics

പ്രദോഷകുങ്കുമം തിരയില്‍ താഴുമീ
ജനിമൃതിയുടെ പടവില്‍
എന്തിനോ തനിയെയായി നീ
തളര്‍ന്നുപോയി നീ 
പ്രദോഷകുങ്കുമം തിരയില്‍ താഴുമീ
ജനിമൃതിയുടെ പടവില്‍
ഒരു മിഴിക്കുടം നിറയെ നോവുകള്‍
ഒരു മിഴിത്തടം നിറയെ നേരുകള്‍ 
കദനജാലകം തുറന്നു നിന്നിലേയ്- 
ക്കിറങ്ങി വന്നതോ നിഴല്‍‌പ്പിറാവുകള്‍ 
ഇറങ്ങിവന്നതോ നിഴല്‍പ്പിറാവുകള്‍
പ്രദോഷകുങ്കുമം തിരയില്‍ താഴുമീ
ജനിമൃതിയുടെ പടവില്‍
ഇളകുമോര്‍‌മ്മയില്‍ കിളിയുണര്‍ന്നുവോ
ഇടറുമോളവും കഥ പറഞ്ഞുവോ 
കനലിനുള്ളിലും കുളിരു തന്നൊരാ-
ക്കണിക്കിനാവുകള്‍ വിതുമ്പിവന്നുവോ
കണിക്കിനാവുകള്‍ വിതുമ്പിവന്നുവോ
പ്രദോഷകുങ്കുമം തിരയില്‍ താഴുമീ
ജനിമൃതിയുടെ പടവില്‍

Song video

Watch on YouTube

Song details

Music: ജോൺസൺ

Raaga: മോഹനം

Film/album: സന്താനഗോപാലം