Malayalam lyrics

പനിനീർ പൊയ്കകൾ മിഴികൾ
ഇളനീർ തുള്ളികൾ മൊഴികൾ
കുരുന്നു കൂവളപ്പൂക്കൾ 
കുളിരണിഞ്ഞ കിനാക്കൾ
മധുര ശാരികേ നിന്റേ 
മനസ്സ് മാമയിൽ തൂവൽ
കളഭകുങ്കുമണിയുമ്പോൾ 
കർണികാരം വിരിയുമ്പോൾ
പുലർനിലാവേ നിൻ കവിളിൽ 
പൂത്തു നിൽക്കും നവരാഗം
കഥ പറഞ്ഞും കവിത പാടിയും കണ്ണിലേതോ കൊതിയുമായ് നിൻ
അരികിൽ അണയാം ഞാൻ ആർദ്രഭാവുകമായ്
കാണാവേണുവിലെ 
പാട്ടിൻ ഈണവുമായ്
കാറ്റും കൂടണയാറായ് 
മോഹം പൂവണിയാറായ് 
(പനിനീർ...)
ശിശിരനൂപുരവാടികളിൽ 
ശലഭമായ് ഞാൻ അണയുമ്പോൾ
പ്രണയമുതിരും തൂമധുവായ് പെയ്തിറങ്ങി നിൻ ഹൃദയം
കരളിനുള്ളിൽ കനവു കോർക്കും കസവുനൂലിൻ ഇഴകൾ നെയ്യാൻ 
കാത്തിരിപ്പൂ ഞാൻ 
ഓർത്തിരിപ്പൂ ഞാൻ 
ഓരോ രാത്രിയിലും 
സ്വപ്നം കണ്ടുണരാൻ
നീയെൻ നെഞ്ചണയേണം കാണാപ്പൊന്നുഴിയേണം 
(പനിനീർ...)

Song details

Music: വിൽസൺ

Film/album: ചേനപ്പറമ്പിലെ ആനക്കാര്യം