Malayalam lyrics

ഒരു തണൽ ഞങ്ങൾക്ക് നൽകുവാൻ നീയെന്നും
എരി വെയിലിൽ കത്തുകയായിരുന്നു
ഒരു കുളിർ വെട്ടത്തിൽ കതിർ മണീ തേടുമീ
പറവകൾക്കാശ്രയമായിരുന്നൂ
ഒരു നീണ്ട യാത്രയിൽ ഞങ്ങൾ തൻ ദുഃഖത്തിൻ
ചുമടേറ്റിയൊപ്പം നടന്നു വന്നൂ
വിടവാങ്ങാനാവാതെ നിന്നൂ നിശ്ശബ്ദമാം
ഹൃദയബന്ധമോടെ തേങ്ങലോടെ (ഒരു തണൽ...)
ചിറകൊതുക്കുന്നിതാ ഞങ്ങൾ തൻ സ്വപ്നങ്ങൾ
അരിയ സുഖദുഃഖശാരികകൾ
ഇവരെയുറക്കുവാനിരുളിലേകാകിയായ്
ഇനിയാരുറങ്ങാതെ കാത്തിരിക്കും (ഒരു തണൽ..)
----------------------------------------------------------------------------

Song details

Music: എ ടി ഉമ്മർ

Film/album: ഇരുൾ മാളങ്ങൾ