Malayalam lyrics

ഒരു നൂറു ജന്മം പിറവിയെടുത്താലും
ഒരു നൂറു ജന്മം മൃതിയിൽ
കൊഴിഞ്ഞാലും
പ്രിയമുള്ളവളേ... പ്രിയമുള്ളവളേ...
പിരിയാനാകുമോ
തമ്മിൽ?
(ഒരു നൂറു ജന്മം‍...)
പ്രളയപ്രവാഹത്തെ ചിറകെട്ടി
നിർത്തുവാൻ
വിധിയുടെ കൈകൾക്കാകുമോ?
അനശ്വരപ്രേമത്തിൻ
കാലടിപ്പാടുകൾ
മറയ്‌ക്കാൻ മായ്‌ക്കാൻ കഴിയുമോ?
(ഒരു നൂറു
ജന്മം‍...)
അന്തരാത്മാവിലെ മൗനത്തിൻ ചിറകടി
ഇന്നെൻ നിശകളിൽ
തേങ്ങുന്നൂ...
ഹൃദയത്തിൻ ധമനികൾ നീ ചേർന്നലിയും
വിരഹാർദ്ര ഗാഥയിൽ
വിതുമ്പുന്നൂ...
(ഒരു നൂറു ജന്മം‍...)

Song details

Music: ബോംബെ രവി

Film/album: മനസ്സിൽ ഒരു മഞ്ഞുതുള്ളി