Malayalam lyrics

ഒരു മാത്ര ഞാനൊന്നു കണ്ടേയുള്ളു

മനതാരില്‍ ആ മുഖം പതിഞ്ഞു പോയി

ഒരു നേരം ഞാനൊന്നു കേട്ടേയുള്ളൂ

മധുരമാം സ്വരമെന്നില്‍ ലയിച്ചുപോയി (ഒരുമാത്ര)

കരവല്ലികള്‍ കൊണ്ടു പുണരാനടുത്തപ്പോള്‍

മതിമറന്നന്നു ഞാന്‍ നിന്നുപോയി (കരവല്ലി)

ഒരു വാക്കു മാത്രം കേള്‍ക്കാന്‍ കൊതിച്ചപ്പോള്‍

കനവാണതെന്നു ഞാനറിഞ്ഞു പോയി

ആ കദനം കൊണ്ടെന്‍ മനം വിതുമ്പിപ്പോയി (ഒരുമാത്ര)

പൂഞ്ചൊടിയാലെന്നെ നുകരാനണഞ്ഞപ്പോള്‍

മുരളികയെന്നു ഞാന്‍ മറന്നു പോയി (പൂഞ്ചൊടി)

ഹരികാംബോജി രാഗമുണര്‍ന്നപ്പോള്‍

സ്വരസിന്ധുവില്‍ ഞാന്‍ ഒഴുകിപ്പോയി

ആ സ്വരരാഗ വീചിയില്‍ മുഴുകിപ്പോയി (ഒരുമാത്ര)

Song information

വര്‍ഷം: 2001

സംഗീതം: എം ജി രാധാകൃഷ്ണന്‍

ഗാനരചന: പത്മജ രാധാകൃഷ്ണൻ

ഗായകര്‍: കെ എസ് ചിത്ര

വിശദവിവരങ്ങള്‍: സിദ്ധാർത്ഥ് രമേഷ്

വിഡിയോ: സിദ്ധാർത്ഥ് രമേഷ്

Album: ആകാശവാണി ലളിതഗാനങ്ങള്‍

Explore this song