Nithaantha Sundara / നിതാന്ത സുന്ദര

Malayalam lyrics

നിതാന്ത സുന്ദര ശ്യാമള വിപിനം
മുഗ്ദ്ധമനോഹര വാഹിനി പുളിനം
അനുപമസുന്ദരം നയനമനോഹരം
പ്രകൃതീ നിൻ ചാരുനടനം...
നിതാന്ത സുന്ദര ശ്യാമള വിപിനം
കാൽച്ചിലമ്പൊലിയാലെ എന്നെയുണർത്തും
എന്നിലെ കവിതകൾ ഉണരും...(2)
പൂ നിലാവിരിപ്പിട്ട താഴ്‌വരയിൽ..
ഒരു സ്വപ്നാടകയായ് ഞാനലയും....
(നിതാന്ത സുന്ദര...)
ഒരു മുളംതണ്ടിലും സംഗീതമുണർത്തും
ഒരു ശിലാശകലത്തെ ശില്പമാക്കും...(2)
പുഴയായ് ഒഴുകും നീ കാറ്റായ് തഴുകുന്നു
പുഷ്പങ്ങളാൽ സ്വർഗ്ഗം ഒരുക്കുന്നു...
(നിതാന്ത സുന്ദര...)