Malayalam lyrics

നിന്റെ മലയിൽ നീലിമലയിൽ
നിന്നു ഞാൻ പാടി
ഹരിഹരാത്മജനേ സ്വാമീ
ഹരിവരാസനം
ശരണം വിളിയാൽ ഭക്തർവരുന്നൂ
ശതലക്ഷങ്ങൾ നിൻ തിരുമുന്നിൽ
ആധികൾ വ്യാധികൾ അഗ്നിയിലെരിയും
ആപുണ്യദർശനം തേടീ
മാമലവനിയിൽ നിന്നുയരുന്നൂ
ശരണനിനാദം വാനോളം
ഭസ്മതീർത്ഥം നിറുകിൽ തൂകി
മൂവുരു മുന്നിൽ വീണു വണങ്ങി
ദുരിതവും ദു:ഖവും പമ്പകടക്കും
അയ്യപ്പകീർത്തനം പാടി
മനമറിയുന്നൂ ദേവസുഗന്ധം
മിഴിനിറയുന്നൂ നിൻ രൂപം

Song details

Music: എം കെ അർജ്ജുനൻ

Film/album: എല്ലാം സ്വാമി