Ninne Njan Kaanunnu / നിന്നെ ഞാൻ കാണുന്നു

Malayalam lyrics

നിന്നെ ഞാൻ കാണുന്നു താരാപഥങ്ങളിൽ
നിൻ പദം കേൾക്കുന്നു പൂമുഖവാതിലിൽ
നിൻ ഗന്ധമറിയുന്നു വിരിയുന്ന പൂക്കളിൽ
നിൻ സ്പർശമറിയുന്നു കാറ്റിൻ തലോടലിൽ
നിന്നെ ഞാൻ കാണുന്നു താരാപഥങ്ങളിൽ
നിൻ പദം കേൾക്കുന്നു പൂമുഖവാതിലിൽ
നക്ഷത്ര രാജ്യത്തെ ഗന്ധർവനാം നിന്നെ
സ്വരരാഗ സുന്ദരിമാർ തഴുകിടുമ്പോൾ
കണ്ണീരുവറ്റിയോരെൻ പീലിത്തടങ്ങളിൽ
തഴുകുന്നൊരിളംകാറ്റായ് വന്നിരുന്നെങ്കിൽ
കാണാത്ത ലോകത്തെ കാണാക്കിനാവുകൾ
കണ്ടുകണ്ടുറങ്ങാൻ കഴിഞ്ഞിരുന്നേനെ
വാണീദേവി തൻ ഓമനയാം നിന്നെ
മടിയിലിരുത്തി ഉറക്കിടുമ്പോൾ
സ്നേഹലാളനങ്ങളേറ്റ നിൻ ഗാനങ്ങൾ
അമൃതവർഷിണിയായ് പെയ്തിരുന്നെങ്കിൽ
നുകരാത്ത ഗന്ധത്തിൽ വിരിയുന്ന നിശ്വാസം
തരളമാം അനുഭൂതി എന്നിൽ ചൊരിഞ്ഞേനെ
നൊമ്പരമില്ലാത്ത വേദനയറിയാത്ത
സ്വർഗസിംഹാസനത്തിൽ വാണിടുമ്പോൾ
ഒരുനേരമെങ്കിലും കാണുവാനാശിക്കും
മനസ്സിന്റെ വിങ്ങലൊന്നറിഞ്ഞിരുന്നെങ്കിൽ
കേൾക്കാത്ത നാദത്തിൽ നിറയുന്ന മാധുര്യം
ഹൃദയതന്തികളെ തൊട്ടുണർത്തിയേനേ ...