നിഴലാടും ദീപമേ

Malayalam lyrics

നിഴലാടും ദീപമേ തിരിനീട്ടുമോ
അലിവോലും നെഞ്ചിലേ ഇരുൾ മായ്ക്കുമോ
കനിവാർന്ന രാവിൻ ഇടനാഴിയിൽ
തളരും കിനാവിനേ താലാട്ടുമോ
അറിയാതെ വന്നെൻ ഹൃദയത്തിലേ
മഴമേഞ്ഞകൂട്ടിൽ കൂടേറി നീ
അനുരാഗ സാന്ദ്രമാം ദിവസങ്ങളിൽ
അതിലോല ലോലമാം നിമിഷങ്ങളിൽ
പറയാതെ എന്തിനോ വിടവാങ്ങി നീ
തെളിവർണ്ണമോലും ചിറകൊന്നിലേ
നറുതൂവലുള്ളിൽ പിടയുന്നുവോ
വെയിൽവീണു മായുമീ പകൽമഞ്ഞുപോൽ
പ്രണയാർദ്രമാകുമീ മണിമുത്തുപോൽ
മനസ്സിന്റെ വിങ്ങലായ്‌ അലിയുന്നു നീ