Malayalam lyrics

നീലക്കൂവള മിഴി നീ പറയൂ
എന്നെ നിനക്കിഷ്ടമാണോ
തങ്കതാമര വിരിയും പോലെ
നിന്നെ എനിക്കിഷ്ടമായീ
തിരിയായ് തെളിഞ്ഞു നിൽക്കുന്നതാര്
മാനത്തെ മാലാഖയോ  ഓ..ഓ.. (നീല..)
നിലാവൊരുക്കിയ വെണ്ണയല്ലേ
നിനക്ക് ഞാനൊരു സ്വപ്നമല്ലേ
സ്വയം മറന്നു നീ പാടുമ്പോൾ
കോരിത്തരിപ്പൂ ഞാൻ പൊന്നേ
മധുപാത്രമേ മൃദുഗാനമേ ഇനി നമ്മളൊന്നല്ലേ  ഓ..ഓ.. (നീല..)
തൊടാൻ മറന്നൊരു പൂവിതളേ
നിന്നെ തൊടാതിരുന്നാൽ  എന്തു സുഖം
പറഞ്ഞു തീർക്കാൻ അറിയില്ല
നീ പകർന്നു നൽകും പ്രണയരസം
മനോഹരം മദോന്മദം ഇതു ജന്മസാഫല്യം ഓ..ഓ.. (നീല..)

Song details

Music: എം ജയചന്ദ്രൻ

Film/album: കഥ, സംവിധാനം കുഞ്ചാക്കോ