Malayalam lyrics

നിലാവിൽ തളിരിലയിൽ
കുളിർമഞ്ഞ് മീട്ടും മന്ദ്രസ്വനം
കാതോർക്കെ കരൾവീണയിൽ
വിരൽ തൊട്ടതാ,രെൻ പ്രിയസഖിയോ-
പ്രിയ സഖിയോ!
കിലുകിലെ ചിലയ്ക്കുന്ന ചിലമ്പിട്ട ചിരിയുമായ്
കളകളം പാടി നീ ഒഴുകുമ്പോൾ
പുല്ലാങ്കുഴലിൽ തുളുമ്പിയതെൻ പ്രേമ -
സല്ലാപമായിരുന്നു
അഴകേ.........അഴകേ....
ഈറനുടുത്തെത്തി തുളസിക്കതിർ ചൂടി (2)
തൊഴുകൈയുമായി നീ നിൽക്കുമ്പോൾ
നാലമ്പലത്തിൽ തെളിയുവതെൻ മോഹ-
ദീപങ്ങളായിരുന്നു
അഴകേ.......... അഴകേ...
(നിലാവിൽ തളിരിലയിൽ....)

Song details

സംഗീതം: ബോംബെ എസ്‌ കമാല്‍

ഗാനരചന: പെരുമ്പുഴ ഗോപാലകൃഷ്ണ പിള്ള

ഗായകര്‍: രെജു ജോസഫ്‌

വര്‍ഗ്ഗീകരണം: റേഡിയോ

വിശദവിവരങ്ങള്‍: നിത്യാനന്ദ

വിഡിയോ: പെരുമ്പുഴ ഗോപാലകൃഷ്ണ പിള്ള

Album: ആകാശവാണി ലളിതഗാനങ്ങള്‍