Neeyente Lahari [F] / നീയെന്റെ ലഹരി [F]

Malayalam lyrics

നീ എന്റെ ലഹരി നീ മോഹമലരി
നിന്നിലെൻ പുലരികൾ പൂക്കുന്നു
നിന്നിലെൻ സന്ധ്യകൾ തുടുക്കുന്നു
നീ എന്റെ ലഹരി
നിത്യാനുരാഗത്തിൻ നൃത്തനിർഝരി നീ
നിരവദ്യഭാവനാ പുഷ്പമഞ്ജരി
നിൻ ഗന്ധം അലയടിക്കും ഭൂമിയിൽ ഞാനൊരു
സ്വർണ്ണപതംഗമായ്‌ പറക്കുന്നു
നീയാകും പൂനിലാപ്പാലാഴിയിൽ ഞാൻ
നിശാഗന്ധിയായ്‌ അലിയുന്നു
അലിയുന്നു..... അലിയുന്നു.....
നീ എന്റെ ലഹരി.....
കേൾക്കാത്ത ഗന്ധർവ്വഗാനപല്ലവി നീ
കാണാത്ത കമനീയ ശിൽപചാതുരി
നിൻ രൂപം നിഴലൊരുക്കും ഭൂമിയിൽ ഞാനൊരു
സ്വപ്നശലാകയായലയുന്നു
നീയാകും സ്വർഗ്ഗീയ സംഗീതമാലയിൽ
നിശാഗീതമായ്‌ അലിയുന്നു.....
അലിയുന്നു...... അലിയുന്നു......
(നീ എന്റെ ലഹരി......)