മണികണ്ഠാ ശരണം

Malayalam lyrics

മണികണ്ഠാ ശരണം മണികണ്ഠാ
മലയേറി ഞങ്ങള്‍ വരവായി
(മണികണ്ഠാ )
മണ്ഡലം നോമ്പു് നോറ്റു മണികണ്ഠനെ ഭജിച്ചു
മാമലവാഴുന്നോന്‍ മനതാരില്‍ കുടികൊണ്ടു
കണ്ടൊന്നു കുമ്പിടാന്‍ സങ്കടം ചൊല്ലുവാന്‍ വരുന്നുണ്ടു
ഭഗവാനെ അവിടുന്നു തുണയ്ക്കണേ
(മണികണ്ഠാ )
 
കരിമല ഏറുമ്പോള്‍ മൃദുപാദം നോവുന്നു
ഹരിഹരസുതന്‍ എന്റെ ഉള്‍പ്പൂവില്‍ തുളുമ്പുന്നു
പ്രാര്‍ത്ഥിച്ചു പോയി ഞാന്‍ മായാമനോഹരാ
പാമരന്‍ മലയേറി വരുമ്പോള്‍ നീ കനിയണേ
(മണികണ്ഠാ )
 
അരവണപ്പായസം കുടിച്ചങ്ങു മയങ്ങുമ്പോള്‍
പരശതം പതിതന്മാര്‍ മലനാട്ടില്‍ അണയുമ്പോള്‍
ദാനവദാസകാ അവിടുന്നൊന്നുണരണേ
തമസ്സിന്റെ മറ നീക്കി തപസ്സേ നീ തെളിയണേ
(മണികണ്ഠാ )
 
കുഞ്ഞിളം മുകുളങ്ങള്‍ മൂര്‍ദ്ധാവില്‍ കുറിയിട്ടു
പൊന്നിളം പാദങ്ങള്‍ കാണ്മാനായി കണ്‍നട്ടു
വന്‍പുലിപ്പാലുമായി എത്തുന്നൊരയ്യനെ
എന്നിനി ഒരു നോക്കു കാണും എന്‍ ദേവനേ
(മണികണ്ഠാ )
 
അമ്പോറ്റിയെ വണങ്ങാന്‍ ഇല്ലായ്മകള്‍ ഉരക്കാന്‍
ഇടംനെഞ്ചം തുടികൊട്ടി മലവാസന്‍ മിഴി നീട്ടി
നെയ്യഭിഷേകം കൊണ്ടു നീ തൃപ്തനായി
ദുര്‍ഘടം ഒഴിവാക്കൂ ഓംകാരമൂര്‍ത്തയേ
(മണികണ്ഠാ )
 
പമ്പതന്‍ പുളിനത്തില്‍ അവതാരം ചിരിതൂകി
പമ്പതന്‍ ഓളങ്ങള്‍ താരാട്ടിന്‍ ശ്രുതി മീട്ടി
ചെങ്കതിര്‍ ശോഭയാല്‍ മണ്ഡലം ഒരുങ്ങിയോ
അയ്യനെ എതിരേല്‍ക്കാന്‍ പ്രകൃതി നീ വരുന്നുവോ
(മണികണ്ഠാ )
 
ലക്ഷോപലക്ഷങ്ങള്‍ ഭഗവാനെ നമിക്കുമ്പോള്‍
മണികണ്ഠന്‍ ഒരു മാത്ര എന്‍ ജീവനായെങ്കില്‍
എന്തിനീ മൗനം പങ്കജനേത്രനേ
ആശകള്‍ തികയുന്ന പ്രാണന്‍ അങ്ങെടുക്കുമോ
(മണികണ്ഠാ ) (4)