Manjala Thattamittu / മഞ്ഞല തട്ടമിട്ട്

Malayalam lyrics

മഞ്ഞലത്തട്ടമിട്ട്
മഞ്ഞൾക്കുറി തൊട്ട്
മഞ്ജീരം കിലുക്കി വാ വാ വാ
ഇന്നീ മുറ്റത്ത്
കുടമുല്ലച്ചിരിയുമായ്
പുതുവർഷ പ്പൂനിലാവേ!
O
വർണ്ണക്കനവിൻ പൊയ്കയിൽ നീന്തി ഞാൻ
സ്വർണ്ണാമ്പൽപ്പൂക്കളിറുക്കെ,
മഴവില്ലൂഞ്ഞാലാടിയ സന്ധ്യയും
അഴകേ നീ വരുമെന്നു ചൊല്ലി
O
നിന്റെ സദിരിൽ തംബുരു മീട്ടുവാൻ
എന്നാത്മതന്ത്രി മുറുക്കെ,
വന പുല്ലാങ്കുഴലൂതിയ തെന്നലും
വെറുതെയാ ശ്രുതിയൊന്നു മൂളി