Malayalam lyrics

മനസ്സിലുണരൂ ഉഷഃസന്ധ്യയായ്
മായാമോഹിനി സരസ്വതീ
നാകസദസ്സിലെ നവരത്നവീണയിൽ
നാദം തുളുമ്പുമീ നവരാത്രിയിൽ..
നവ നവ മോഹങ്ങൾ നർത്തനം ചെയ്യുന്ന
നാദമനോഹര ലയരാവിൽ
നിൻ മന്ദഹാസമാം ബോധനിലാവിൽ
എൻ മനക്കണ്ണുകൾ വിടരട്ടെ..
പുസ്തകരൂപത്തിൽ ആയുധരൂപത്തിൽ
പുണ്യവതീ നിന്നെ കൈതൊഴുന്നേൻ
അഴകായ് വീര്യമായ് ആത്മസംതൃപ്തിയായ്
അവിടുന്നടിയനിൽ നിറഞ്ഞാലും..
കനിവിൻ കാഞ്ചന കതിർമാല ചൊരിയൂ
കലയുടെ വർണ്ണങ്ങൾ പകരൂ
കേളീകലയുടെ തരംഗമാലാ
മേളയില്ലെന്നെയും ലയിപ്പിക്കൂ..

Song details

വര്‍ഷം: 1971

സംഗീതം: വി ദക്ഷിണാമൂർത്തി

ഗാനരചന: ശ്രീകുമാരൻ തമ്പി

ഗായകര്‍: കെ ജെ യേശുദാസ്, എസ് ജാനകി

രാഗം: രാഗമാലിക (പൂര്‍വി കല്യാണി, സാരംഗ്, ശ്രീരഞ്ജിനി, അമൃത വർഷിണി)

വര്‍ഗ്ഗീകരണം: ഭക്തിഗാനങ്ങള്‍

അഭിനേതാക്കള്‍: പ്രേം നസീര്‍, വിജയശ്രീ, ശങ്കരാടി, എസ് പി പിള്ള

വിശദവിവരങ്ങള്‍: കൃഷ്ണ ചന്ദ്ര

വിഡിയോ: ജയലക്ഷ്മി രവി

Album: മറുനാട്ടില്‍ ഒരു മലയാളി