Manassilakum / മനസ്സിളകും

Malayalam lyrics

മനസ്സിളകും അലകടലിൽ
മിഴി നിറയുന്നൊരു സൂര്യൻ
തിരനുരയും തീരത്തിൽ
തിരിയണയുന്നൊരു പ്രാണൻ
യാത്രാമൊഴി തേങ്ങുമിരുധ്രുവങ്ങൾ (മനസ്സിളകും)
പ്രണയവർണങ്ങളിൽ ചാലിച്ച സൗഹൃദം
കരൾചെപ്പിൽ രാഗാർദ്ര കാവ്യമായി (പ്രണയ)
വിണ്ണിലുയർന്നൊരു സൗവർണ്ണശലഭമായ്
വിലോല സ്വപ്നവും പറന്നുപോയി (വിണ്ണിൽ)
പറന്നുപോയി... (മനസ്സിളകും)
പ്രാണഹർഷങ്ങളിൽ ചാർത്തിയ സൗരഭം
ഇടനെഞ്ചിൽ രാഗന്ധിമന്ത്രമായി (പ്രാണ)
വീണ്ടും വരാത്തൊരു സൗരമയൂരമായ്
വിമൂകസന്ധ്യയും അകന്നുപോയി (വീണ്ടും)
അകന്നുപോയി... (മനസ്സിളകും)