Malayalam lyrics

മാതാവേ മാതാവേ
മനുഷ്യപുത്രനെ ഞങ്ങള്‍ക്കു നല്‍കിയ മാതാവേ
നിന്‍ പാദപീഠം തേടിവരുന്നൊരു
നിരപരാധിനി ഞാന്‍ (മാതാവേ മാതാവേ)
ഭൂമിയില്‍ സ്ത്രീകളായ് ജനിച്ചവരെല്ലാം
പാപം ചെയ്തവരാണോ - ഇത്രമേല്‍
പാപം ചെയ്തവരാണോ
അല്ലെങ്കിലെന്തിനീ പാനപാത്രം കയ്പ്പു-
വെള്ളം നിറച്ചു നീ തന്നു നീ തന്നു
(മാതാവേ)
സ്വര്‍ഗ്ഗത്തില്‍ ഞങ്ങള്‍ക്കൊരിരിപ്പിടം കിട്ടാന്‍
അഗ്നിപരീക്ഷകള്‍ വേണോ -ഇത്രമേല്‍
അഗ്നിപരീക്ഷകള്‍ വേണോ
അല്ലെങ്കിലെന്നുമീ മുള്‍ക്കിരീടം
എന്തിനെന്റെ ശിരസ്സില്‍ തന്നു നീ തന്നു ?
(മാതാവേ)

Song details

വര്‍ഷം: 1973

സംഗീതം: ജി ദേവരാജന്‍

ഗാനരചന: വയലാര്‍ രാമവര്‍മ്മ

ഗായകര്‍: പി സുശീല

വര്‍ഗ്ഗീകരണം: ക്രിസ്തീയ ഭക്തി ഗാനങ്ങള്‍

അഭിനേതാക്കള്‍: മധു, കെ ആർ വിജയ, അടൂര്‍ ഭാസി

വരികൾ: പാര്‍വതി വേണുഗോപാല്‍, എസ് പി മേനോന്‍

Album: നഖങ്ങൾ