Maalinee Theerame / മാലിനീ തീരമേ

Malayalam lyrics

മാലിനീ തീരമേ മാലിനീ തീരമേ
മന്ദാരസ്വപ്നങ്ങൾ മാല കോർത്തൊരുക്കുന്ന
മന്മഥഗൃഹമാണു നീ..ഒരു
മന്മഥഗൃഹമാണു നീ
മാലിനീ തീരമേ മാലിനീ തീരമേ
നിന്നുടെ മാറിൽ വിടരും മലരിൻ
നിതാന്ത സൌന്ദര്യം(നിന്നുടെ)
നിന്നിലലിഞ്ഞണയുന്നൊരു കാറ്റിൻ
നിതാന്ത സൌരഭ്യം(നിന്നിലലിഞ്ഞ)
മാലിനീ തീരമേ മാലിനീ തീരമേ
നിൻ വിരിമാറിൽ വനജ്യോത്സ്നകളിൽ
നിർവൃതി പൂക്കുന്നു (നിൻ)
നിന്നെയുരുമ്മി ഒഴുകും മാലിനി
പ്രണവം ചൊല്ലുന്നു(നിന്നെയുരുമ്മി)
മാലിനീ തീരമേ മാലിനീ തീരമേ
മന്ദാരസ്വപ്നങ്ങൾ മാല കോർത്തൊരുക്കുന്ന
മന്മഥഗൃഹമാണു നീ..ഒരു
മന്മഥഗൃഹമാണു നീ
മാലിനീ തീരമേ മാലിനീ തീരമേ