Malayalam lyrics

കുടമുല്ലക്കാവിലെ മുടിയഴകേ
മഴവില്ലിൻ ചേലുള്ള മിഴിയഴകേ
കാതില ചാർത്തും കാതഴകേ
കരിവള കിലുങ്ങും കൈയ്യഴകേ
പാൽ നുരയഴകേ പൗർണ്ണമിയഴകേ
പാർവണത്തിങ്കളിൻ പവനഴകേ
(കുടമുല്ല...)
പരിഭവം തുടുക്കുമ്പോൾ ചുണ്ടുകൾ രണ്ടിലും
പനിനീർച്ചെമ്പകച്ചുവപ്പഴകേ
മണിമുത്തു കിലുങ്ങുമീ മനസ്സിന്റെ മാനത്ത്
ഇളനീർ മധുരത്തിൻ മഴയഴകേ
അരയിലൊരേലസ്സിൻ ചിരിയഴകേ
(കുടമുല്ല...)

നിറമെഴുമുടലിലെ ഞൊറിയിടും പുടവയിൽ
കനവായ് മിന്നും കസവഴകേ
നൂപുരദ്ധ്വനിയുമായ് നർത്തനമാടുമ്പോൾ
മിഴിയിൽ തെളിയും മയിലഴകേ
ഓണ നിലാവിന്റെ ഏഴഴകേ
(കുടമുല്ല...)

Song details

Music: എം ജയചന്ദ്രൻ

Film/album: കുടമുല്ലപ്പൂ - ആൽബം