കുമ്മാട്ടിപ്പാട്ടിന്റെ

Malayalam lyrics

കുമ്മാട്ടിപ്പാട്ടിന്റെ താളത്തിൽ
കൈകൊട്ടിപ്പാട്ടിന്റെ മേളത്തിൽ
കുഞ്ഞിക്കുറുമ്പികളുച്ചത്തിൽ പാടി
നാടൻ പെണ്ണിനു കല്യാണം
നാട്ടരങ്ങിൽ വെച്ച് കല്യാണം
പൂക്കാലമെത്തിയ നാട്ടിലെ
പൂതൻ തിറയാടുന്ന നാട്ടിലെ
പൂത്തിരുവാതിര നാളിൽ പിറൻന്
നാടൻ പെണ്ണിനു കല്യാണം
നാട്ടരങ്ങിൽ വെച്ച് കല്യാണം
ആമ്പലപൊയ്കയിൽ കുളിച്ചു കേറി
ഈറൻ മാറ്റി കണ്ണെഴുതി
പൂഞ്ചായൽ ചന്തത്തിൽ കോതി മിനുക്കി
പൊന്നിൻ കസവുള്ള ചേലയുടുത്ത്
ചെല്ലമകൾക്കിന്നു പുടവകൊട
ചിങ്കാരിയാൾക്കിന്നു പുടവകൊട
നാടറിയെ നാട്ടാരറിയെ
നാണം കുണുങ്ങിക്ക് പുടവ കൊട (കുമ്മാട്ടി....)
 
തെറ്റിയും മുല്ലയും പന്തലൊരുക്കി
തെങ്ങിൻ പൂക്കുല നിറപറ വെച്ചു
പൊൻ മുളം തണ്ടുകൾ കുഴൽ വിളിക്കുമ്പോൾ
പുന്നാരപൂങ്കുയിലുകൾ കുരവയിടുമ്പോൾ
മാനസമങ്കക്ക് താലികെട്ട്
നാടറിയെ നാട്ടാരറിയെ
നാണം കുണുങ്ങിക്ക് പുടവ കൊട (കുമ്മാട്ടി....)