കോടമഞ്ഞിൻ താഴ്വരയിൽ - M

Malayalam lyrics

കോടമഞ്ഞിൻ താഴ്വരയിൽ
രാക്കടമ്പ് പൂക്കുമ്പോൾ 
മഞ്ഞണിഞ്ഞ് പൊട്ടുതൊട്ട്
രാത്രിമുല്ല പൂക്കുമ്പോൾ
പ്രണയനിലാ കിളിവാതിൽ
പ്രണയനിലാക്കിളിവാതിൽ
പാതിതുറന്നതാരാണ്
ഒരു നൂറിഷ്ടം
കാതിൽ ചൊന്നതാരാണ്
(കോടമഞ്ഞിൻ...)
ആദ്യസമാഗമമായ്
യാമിനി വ്രീളാവതിയായി
തെന്നൽ തഴുകുമ്പോൾ 
തളരും താമരമലരായ് നീ
തുടുതുടെ തുടുക്കും പൂങ്കവിൾ 
മദനന്റെ മലർക്കുടമായ്
അതുവരെ നനയാ കുളിർമഴയിൽ
നാമന്നു നനഞ്ഞുലഞ്ഞു
പ്രണയനിലാ കിളിവാതിൽ
പാതിതുറന്നതാരാണ്
ഒരു നൂറിഷ്ടം
കാതിൽ ചൊന്നതാരാണ്
(കോടമഞ്ഞിൻ...)
സ്നേഹജലാശയത്തിൽ 
ഇനി നാം ഇണയരയന്നങ്ങൾ
രാഗസരോവരത്തിൽ ഒഴുകും
വർണ്ണമരാളങ്ങൾ
ചുംബനലഹരിയിൽ നിൻമനം 
ചന്ദനമണിവേണു
വെറുതേ പിണങ്ങും വേളയിൽ 
പരിഭവ മഴമേഘം
പ്രണയനിലാ കിളിവാതിൽ
പാതിതുറന്നതാരാണ്
ഒരു നൂറിഷ്ടം
കാതിൽ ചൊന്നതാരാണ്
(കോടമഞ്ഞിൻ...)