Malayalam lyrics

കനലുപെയ്യും വാനം 
കനവുകരിയും തീരം
ആടിയുലയും കളിയോടമായി
ആരുമിവിടെ തേങ്ങാതെയായി
സ്മൃതികള്‍ മാത്രം കൂടെ
കനലുപെയ്യും വാനം
കനവുകരിയും തീരം
സ്നേഹമെല്ലാം ശിഥിലമാകും 
സ്ഫടികപ്പാത്രം പോലെ
മാരിവില്ലായ് മോഹമരികെ 
തെളിയുമുടനേ മായും
നീണ്ടനിഴലായ് നീങ്ങുന്നു നമ്മള്‍ കൂടൊഴിഞ്ഞതുപോലെ ഓ...
വഴിമറന്നതുപോലെ 
ഓ.... 
(കനലുപെയ്യും...)
ജീവിതത്തിന്‍ കളിയരങ്ങില്‍ 
കപടവേഷം മാത്രം
അഭിനയിക്കാന്‍ കഴിയുകില്ല 
കദനഭാവം മാത്രം
കാലമിവിടെ രംഗങ്ങള്‍ തീര്‍ക്കും 
കഥയെഴുതുവതാരോ ഓ...
മുഖപടങ്ങളിതാരോ 
ഓ....
(കനലുപെയ്യും...)

Song details

Music: സണ്ണി സ്റ്റീഫൻ

Film/album: ഉത്രം നക്ഷത്രം