Malayalam lyrics

കളകളം പാടുമരുവികളിൽ
കുളി കഴിഞ്ഞീറനുടുത്തൊരുങ്ങീ
നീ വരൂ എന്നോമൽക്കിളിമകളേ
വെണ്ണീലാപ്പൂന്തുടിയിൽ
വെള്ളിമഞ്ഞിൻ പൂഞ്ചിമിഴിൽ
പൂമുളന്തണ്ടിലൊരു പാട്ടും പാടി കൂട്ടിനു പോരാം  (കളകളം)
മാമരം വെഞ്ചാമരം വീശുമീ പൂവാടിയിൽ
നിന്നെത്തേടി ഞാൻ
കുങ്കുമം വെൺ‌ ചന്ദനം
നെറ്റിയിൽ ചാർത്തീടുവാൻ കൂടെ പ്പോരും ഞാൻ
കാട്ടിലെ മൈനയുമായ് സല്ലപിക്കും വേളകളിൽ
എന്തിനോ എൻ ഹൃദയം മാമയിലായി പീലികൾ നീർത്തീ  (കളകളം)
താരകം പൊൻമാല്യമായ്
മിന്നുമീ രാച്ചിപ്പിയിൽ നിന്നെക്കാത്തു ഞാൻ
തേൻകണം മുളനാഴിയിൽ 
ചോരുമീ യാമങ്ങളിൽ നിന്നിൽ ചേർന്നു ഞാൻ
ഉള്ളിലെ കൈവളകൾ കിക്കിലുങ്ങും യാമിനിയിൽ
എന്തിനോ എൻ ഹൃദയം പൂങ്കുയിലായീ ചിറകുകൾ വീശും  (കളകളം)

Song details

Music: ബാലഭാസ്ക്കർ

Film/album: കോരപ്പൻ ദി ഗ്രേറ്റ്