Kethakee Sumangal / കേതകീ സുമങ്ങൾ

Malayalam lyrics

കേതകിസുമങ്ങൾ സുഗന്ധം ചൊരിയും
കേളീഗൃഹമിതു വൃന്ദാവനം രാസ
കേളീഗൃഹമിതു വൃന്ദാവനം
ശാരദരാവുകൾ ശയ്യ വിരിക്കും
കേളീവനമിത് വൃന്ദാവനം രാസ
കേളീവനമിതു വൃന്ദാവനം
(കേതകിസുമങ്ങൾ..)
ചന്ദനപൂവുകൾ ചൂടി വാനം
ചന്ദ്രമദ ചാന്തു ചാർത്തി (2)
ശ്യാമവനങ്ങളിലഖിലം നന്ദനഗീതമുണർന്നു നിറഞ്ഞു
കളലളിതം കമനീയം കളിവനമിതു രമണീയം (2)
(കേതകിസുമങ്ങൾ..)
തങ്കത്തിരകളിളക്കി യമുന
മെല്ലെച്ചിലങ്കയണിഞ്ഞു (2)
ഹൃദയദലങ്ങളിലാകെ അമൃതം പെയ്തു നിറഞ്ഞു കവിഞ്ഞു
കളലളിതം കമനീയം കളിവനമിതു രമണീയം (2)
(കേതകിസുമങ്ങൾ..)