Roman script
khayaal-o-khwaab hui hai muhabbate kaisi
lahu me naach rahi hai ye wahashate kaisi
na shab ko chaand hi achchha na din ko mehar achchha
ye ham pe bit rahi hai qiyaamate kaisi
wo saath thaa to khudaa bhi thaa meharabaan kyaa
bichhad gayaa to hui adaawate kaisi
azaab jisakaa tabassum gazab hai jisaki nigaah
khinchi hu_i hai pas-e-jaan ye surate kaisi
hawa ke rukh pe hi rakhe huye chiraag hai ham
jo bujh gaye to hawa se shiqaayate kaisi
jo be-khabar ko_i guzaraa to ye sadaa di hai
mai sag-e-raah hun mujhape inaayate kaisi
Explore this song