Kavithe Ennu Nee / കവിതേ എന്നുനീ

Malayalam lyrics

കവിതേ എന്നു നീ എന്നെ വിളിച്ചു
കരളിൽ കുളിരു നിറച്ചു (2)
അതിൽ നിന്നുണരും മധുരസ്മൃതിയാൽ
വെറുതേ രാവു കഴിച്ചു ..വെറുതേ രാവു കഴിച്ചു
(കവിതേ എന്നു നീ..)
വാർമതി വാനിൽ നിന്നു ചിരിച്ചു
ഭൂമിയിൽ പുളകം വിതച്ചു (2)
ഏകാന്തതയിൽ നീയണയാതെൻ
മാനസ മൈന ചിലച്ചു ..മാനസമൈന ചിലച്ചു
(കവിതേ എന്നു നീ..)
പൊന്നുഷസ്സെന്നെ തൊട്ടു വിളിച്ചു
കുങ്കുമ രേണു പൊഴിച്ചു (2)
എങ്കിലും നീയെൻ ദർശനമാകാൻ
എന്നഭിലാഷമുദിച്ചു.. എന്നഭിലാഷമുദിച്ചു
(കവിതേ എന്നു നീ..)