Kavilathe Kanneer Kandu / കവിളത്തെ കണ്ണീര്‍കണ്ടു

Malayalam lyrics

കവിളത്തെ കണ്ണീർ കണ്ടു
മണിമുത്താണെന്നു കരുതി
വില പേശാനോടിവന്ന
വഴിയാത്രക്കാരാ വഴിയാത്രക്കാരാ
കദനത്തിന്‍ തേങ്ങല്‍ കേട്ടു
പുതുരാഗമെന്നു കരുതി
ശ്രുതി ചേര്‍ക്കാനോടിയെത്തിയ
വഴിയാത്രക്കാരാ വഴിയാത്രക്കാരാ
എന്നുടെ കഥകൾ കേൾക്കുമ്പോൾ നിൻ
കണ്ണുകൾ നനയുകയാണോ
നിന്നുടെ സുന്ദര രാജധാനിയിൽ
എന്നെ വിളിക്കുകയാണോ നീ
എന്നെ വിളിക്കുകയാണോ
(കവിളത്തെ)
ഇനിയൊരു മധുരസ്വപ്നം തന്നുടെ
പനിനീർക്കടലിൽ മുങ്ങാം
കൽപ്പന തന്നുടെ ചിപ്പിയിൽ നിന്നൊരു
രത്നവുമായി പൊങ്ങാം ഞാൻ
രത്നവുമായി പൊങ്ങാം
(കവിളത്തെ)