Karuthapenne Ninte / കറുത്തപെണ്ണേ

Malayalam lyrics

കറുത്തപെണ്ണേ നിന്റെ കണ്ണാടിച്ചില്ലിനുള്ളില്‍
വരച്ചതാരാണെന്റെ വര്‍ണ്ണചിത്രം?
മനസ്സിന്റെ ചുവരില്‍ ചിത്രം വരയ്ക്കും
അനുരാഗമെന്നൊരു ചിത്രകാരന്‍
(കറുത്തപെണ്ണേ..)
കാമുകിയല്ല കളിത്തോഴിയല്ല പ്രേമസര്‍വ്വസ്വമല്ലോ നീ(2)
കാളിദാസന്റെ ശകുന്തളപോലൊരു ഗ്രാമകന്യകയല്ലോ നീ(2)
ദു:ഖത്തിന്‍ ചുഴിയിലീ മോതിരം പോകുമോ,
ദുഷ്യന്തനെന്നെ മറക്കുമോ?
(കറുത്തപെണ്ണേ..)
ഈമനോഹര മാലിനിതീരവും പ്രേമസുന്ദര സന്ധ്യകളും(2)
ചമ്പകത്തണലുമീ ചന്ദനശിലയും
എങ്ങിനെ മറക്കുവതെങ്ങിനെ നാം?
ചമ്പകത്തണലുമീ ചന്ദനശിലയും
എങ്ങിനെ മറക്കുവതെങ്ങിനെ നാം?
(കറുത്തപെണ്ണേ..)