കൈവന്ന തങ്കമല്ലെ

Malayalam lyrics

കൈവന്ന തങ്കമല്ലേ ഓമനത്തിങ്കൾ കുരുന്നല്ലേ
കണ്ണീർക്കിനാവു പോലെ  അച്ഛന്റെ കണ്ണീർക്കുരുന്നുറങ്ങ്
കരയാതുറങ്ങുറങ്ങ് താരാട്ടാനച്ഛനനില്ലേയരികിൽ
ആരോരുമില്ലെങ്കിലും തുണയായ് അച്ഛനില്ലേ നിനക്ക് 
മറ്റാരുമില്ലെങ്കിലും എന്നുമീ ദൈവമില്ലേ തുണക്ക്
സൂര്യനെപ്പോലുയരാൻ അച്ഛന്റെ മാനത്തുണർന്നവനേ
അമ്പിളിക്കുഞ്ഞിനെപ്പോൽ മുകിലിന്മേൽ പുഞ്ചിരി പൂണ്ടവനേ
ചെമ്പനീർ പൂവു പോലെ തെന്നലിൽ പുമണം തൂകണം നീ
അച്ഛന്റെ സങ്കടങ്ങൾ മാറ്റുവാൻ ഓടിവരേണമെന്നും
തീയിൽ കുരുത്തതല്ലേ എൻകുഞ്ഞു വേനലിൽ വാടരുതേ
തണലില്ലാ പാഴ്മരുവിൽ തണൽ പോലെ അച്ഛനില്ലേയരുകിൽ
തളരാതെ നീയുറങ്ങ് നെഞ്ചകം വാടാതെ നീയുണര്
നൊമ്പരപ്പൂവിതളായ് ഞാനില്ലേ നിന്നെത്തലോടിടുവാൻ

Song video

Watch on YouTube