Kaavyamaraalangal / കാവ്യമരാളങ്ങൾ

Malayalam lyrics

കാവ്യമരാളങ്ങൾ നീന്തിത്തുടിക്കുന്ന
ഭാവനാസൗഗന്ധ പുളിനങ്ങളിൽ
അക്ഷരക്കുടന്നയിൽ അമൃതു നിവേദിച്ചു
അശ്രുകണങ്ങൾ മറഞ്ഞു
അഴകിൻ അഞ്ചിതൾ പൂക്കൾ വിരിഞ്ഞു
(കാവ്യമരാളങ്ങൾ...)
കദനം മറക്കും കവിതകൾ പിറക്കും
കനവിൽ കന്മദം ചുരത്തും (2)
ഏകാന്തവീഥിയിൽ മാനസ സഞ്ചാരം
ഏഴുവർണ്ണങ്ങൾ ചാർത്തും
മോഹം മായാമയിൽപീലി നീർത്തും (2)
(കാവ്യമരാളങ്ങൾ...)
പാട്ടിന്റെ ഈരടി പാലമൃതൂട്ടും
പനിമതി തളിർമിഴി തഴുകും (2)
പറയാൻ കരുതിയ വാക്കിലെ പതിരുകൾ
കതിരായ് കരളിൽ ചായും
കാലം കൗമുദിയായ് കണ്ടു നിൽക്കും
(കാവ്യമരാളങ്ങൾ...)