Kaalindee Pulinangal / കാളിന്ദീ പുളിനങ്ങൾ

Malayalam lyrics

കാളിന്ദിപുളിനങ്ങൾ കണ്ണന്റെ കാലൊച്ച
കാതോർത്തിരുന്നൊരു ശാരദസന്ധ്യയിൽ
കാതരയാം രാധ വാർത്തതാം കണ്ണുനീർ
കാൽത്തള നാദം പോൽ ഒഴുകി വന്നു.
ഓടക്കുഴൽ നാദം ലയസുഭഗം, അതിൽ
വിരഹാർദ്ര രാഗത്തിൻ അപശ്രുതികൾ
മധുരമനോജ്ഞമാം ചൊടിയിണകൾ,അതിൽ
കളങ്കഭരിതമാം മൃദുവചനം
ഈരേഴുലോകത്തിൻ ഏകനാഥൻ കണ്ണൻ
രാധയനാഥയിന്നീയുലകിൽ
ഓളങ്ങൾപോലോരോ ഓർമ്മകൾ കോർക്കുന്നു
രാധയാ കാളിന്ദി തീരഭൂവിൽ