Malayalam lyrics

ജയദേവകവിയുടെ ഗീതികള്‍ കേട്ടെന്റെ
രാധേയുറക്കമായോ
രാജീവ നയനന്റെ വാര്‍ത്തകള്‍ കേട്ടെന്റെ
രാധേയുറക്കമായോ രാധേയുറക്കമായോ
(ജയദേവ)
നിന്റെ കണ്ണീരൊരു കാളിന്ദിയായത്‌
ഇന്നുമറിഞ്ഞില്ല ദേവന്‍ (നിന്റെ കണ്ണീരൊരു)
നിന്റെ ചിലങ്കകള്‍ മൂകമായ് തീര്‍ന്നതും
തെല്ലുമറിഞ്ഞില്ല കണ്ണന്‍ (നിന്റെ ചിലങ്കകള്‍ )
(ജയദേവ)
ഈ നിശാവേളയില്‍ നിന്റെ നിനവൊരു
വേണുഗാനത്തിലലിഞ്ഞോ (ഈ നിശാ)
ഈ ശാന്ത നിദ്രയില്‍ നിന്റെ കിനാവുകള്‍
ദ്വാരക തേടി പറന്നോ (ഈ ശാന്ത)
(ജയദേവ)

Song details

സംഗീതം: എം ജി രാധാകൃഷ്ണന്‍

ഗാനരചന: പൂവച്ചല്‍ ഖാദര്‍

ഗായകര്‍: പി ജയചന്ദ്രൻ

രാഗം: ദ്വിജാവന്തി

ഹിന്ദുസ്ഥാനി രാഗം: ജൈജൈവന്തി

വര്‍ഗ്ഗീകരണം: റേഡിയോ

വരികൾ: സൂസി

Album: ആകാശവാണി ലളിതഗാനങ്ങള്‍