Indraneelathinodenthu Kondo / ഇന്ദ്രനീലത്തിനോടെന്തു കൊണ്ടോ

Malayalam lyrics

ഇന്ദ്രനീലത്തിനോടെന്തുകൊണ്ടോ
പണ്ടു തൊട്ടേ എനിക്കിഷ്ടം..(ഇന്ദ്രനീല)
കണ്ണന്റെ മുകിൽവർണ്ണമാകയാലോ നിന്റെ
കണ്ണിന്റെ മണിവർണ്ണമാകയാലോ... (കണ്ണന്റെ.. )
(ഇന്ദ്രനീലത്തിനോടെന്തുകൊണ്ടോ... )
വർഷമയൂരങ്ങൾ പീലി നീർത്താടുന്ന വർണ്ണം
ഹർഷം തുളുമ്പും മനസ്സിലെ സ്വപ്നത്തിൻ വർണ്ണം.. (വർഷമയൂരങ്ങൾ.. )
ആഴി തൻ വർണ്ണം ആകാശവർണ്ണം
ആത്മാവു പൂക്കും കടമ്പിന്റെ വർണ്ണം... (ആഴി തൻ.. )
(ഇന്ദ്രനീലത്തിനോടെന്തുകൊണ്ടോ... )
ദൂരതമാലവനങ്ങൾ തൻ സാന്ദ്രമാം വർണ്ണം
ചാരുഗോരോചനക്കുറി തൊട്ട ചന്തത്തിൻ വർണ്ണം.. (ദൂരതമാലവനങ്ങൾ .. )
കാളിന്ദീവർണ്ണം കായാമ്പൂവർണ്ണം
ഗോപികാപുണ്യം പുണരുന്ന വർണ്ണം... (കാളിന്ദീവർണ്ണം.. )
(ഇന്ദ്രനീലത്തിനോടെന്തുകൊണ്ടോ... )