Hemantharajaniyil / ഹേമന്തരജനിയില്‍

Malayalam lyrics

ഹേമന്തരജനിയിൽ മുരളികയൂതും
ചേതോഹരനെൻ അരികിൽ വന്നൂ (2)
കനിവോലും വേണുവിൽ അലിയും ഞാനെൻ (2)
കായാമ്പൂവർണ്ണന്റെ രാധയായീ
(ഹേമന്തരജനിയിൽ...)
ആ രാഗധാരയിൽ എന്നിലെ ഞാനൊരു
സ്വർണ്ണമരാളമായ് നീന്തി വന്നു
ആരോരുമറിയാത്ത സ്വർഗ്ഗദലങ്ങളിലെ
മാനസപ്പൊയ്കയിൽ ഞാനണഞ്ഞു
ഞാനണഞ്ഞു
(ഹേമന്തരജനിയിൽ...)
ആ നീലപ്പൊയ്കയിൽ ആടും തരംഗങ്ങൾ
ആത്മാവിലിന്നും വിപഞ്ചി മീട്ടും
ആ രാഗവീചികൾ ആയിരമായിരം
സ്വപ്നങ്ങളെന്നിൽ ചൊരിഞ്ഞു നിന്നൂ
ചൊരിഞ്ഞു നിന്നൂ
(ഹേമന്തരജനിയിൽ...)