ಕನ್ನಡ

ಹಚ್ಚೇವು ಕನ್ನಡದ ದೀಪ ಕರುನಾಡದೀಪ ಸಿರಿನುಡಿಯದೀಪ
ಒಲವೆತ್ತಿ ತೋರುವಾ ದೀಪ | ಹಚ್ಚೇವು |
ಬಹುದಿನಗಳಿಂದ ಮೈಮರೆವೆಯಿಂದ
ಕೂಡಿರುವ ಕೊಳೆಯ ಕೊಚ್ಚೇವು
ಎಲ್ಲೆಲ್ಲಿ ಕನ್ನಡದ ಕಂಪು
ಸೂಸಲಲ್ಲಲ್ಲಿ ಕರಣ ಚಾಚೇವು
ನಡು ನಾಡೆ ಇರಲಿ, ಗಡಿನಾಡೆ ಇರಲಿ
ಕನ್ನಡದ ಕಳೆಯ ಕಚ್ಚೇವು
ಮರತೇವು ಮರವ, ತೆರೆದೇವು ಮನವ, ಎರೆದೇವು ಒಲವ-ಹಿರಿ ನೆನಪ
ನರನರವನೆಲ್ಲ ಹುರಿಗೊಳಿಸಿ ಹೊಸೆದು ಹಚ್ಚೇವು ಕನ್ನಡದ ದೀಪ

ಕಲ್ಪನೆಯ ಕಣ್ಣು ಹರಿವನಕ ಸಾಲು
ದೀಪಗಳ ಬೆಳಕ ಬೀರೇವು
ಹಚ್ಚಿರುವ ದೀಪದಲಿ ತಾಯ ರೂಪ
ಅಚ್ಚಳಿಯದಂತೆ ತೋರೇವು
ಒಡಲೊಡಲ ಕೆಚ್ಚಿನಾ ಕಿಡಿಗಳನ್ನು
ಗಡಿನಾಡೆಚೆ ತೂರೇವು
ಹೊಮ್ಮಿರಲು ಪ್ರೀತಿ ಎಲ್ಲಿಯದು ಭೀತಿ ನಾಡೊಲವೆ ನೀತಿ ಹಿಡಿ ನೆನಪ
ಮನೆಮನೆಗಳಲ್ಲಿ ಮನಮನಗಳಲ್ಲಿ ಹಚ್ಚೇವು ಕನ್ನಡದ ದೀಪ

ಕರುನಾಡಿನವರಿವ ನೆರೆತೀವಿ ಭಾವದಲಿ
ಜೀವನಾಡಿ ನುಡಿಸೇವು
ತೆರೆತೆರೆದ ಕಣ್ಣಿನಲಿ ನೇಹವೆರೆದು
ನವ ಜ್ಯೋತಿಯನ್ನೆ ಮುಡಿಸೇವು
ನಮ್ಮನ್ನವುಂಡು ಅನ್ಯಾಯಗೈಯು
ವಂಥವರ ಹುಚ್ಚ ಬಿಡಿಸೇವು
ಇಹುದೆಮಗೆ ಛಲವು, ಕನ್ನಡರ ಬಲವು ಕನ್ನಡದ ಒಲವು -ಹಿಡಿನೆನವು
ನಮ್ಮದೆಯ ಕೆಚ್ಚುನೆಚ್ಚುಗಳನೂಡಿ ಹಚ್ಚೇವು ಕನ್ನಡದ ದೀಪ

ನಮ್ಮವರು ಗಳಿಸಿದಾ ಹೆಸರ ಉಳಿಸಲೆಲ್ಲಾರು ಒಂದುಗೂಡೇವು
ನಮ್ಮದೆಯ ಮಿಡಿಯುವೀ ಮಾತಿನಲ್ಲಿ
ಮಾತೆಯನು ಪೂಜೆ ಮಾಡೇವು
ನಮ್ಮುಸಿರು ತೀಡುವೀ ನಾಡಿನಲ್ಲಿ
ಮಾಂಗಲ್ಯಗೀತ ಹಾಡೇವು
ತೊರೆದೇವು ಮರುಳ, ಕಡೆದೇವು ಇರುಳ ಪಡೆದೇವು ತಿರುಳ -ಹಿಡಿನೆನಪ
ಕರುಳೆಂಬ ಕುಡಿಗೆ ಮಿಂಚನ್ನೆ ಮುಡಿಸಿ ಹಚ್ಚೇವು ಕನ್ನಡದ ದೀಪ.

Roman script

Hacchevu Kannadada Deepa Karunadadeepa Sirinudiyada Deepa
Olavetti Tooruva Deepa | Hacchevu |
Bahudinagalinda Maimareveyinda
Koodiruva Koleya Kocchevu
ElLelli Kannadada Kampu
Soosalallalli Karana Chaachevu
Nadu Naade Irali, Gadinaade Irali
Kannadada Kaleya Kacchevu
Maratevu Marava, Teredevu Manava, Eredevu Olava-Hiri Nenapa
Naranaravanella Hurigolisihosedu Hacchevu Kannadada Deepa

Kalpaneya Kannu Harivanaka Saalu
Deepagala Belaka Beerevu
Hachiruva Deepadali Thaaya Roopa
Achchaliyadante Toorevu
Odalodala Kechchina Kidigalu
Gadinaadeche Toorevu
Hommiralu Preeti Elliyadu Bheethi Naadolave Neethi Hidi Nenapa
Manemanegalu Manamanagalu Hacchevu Kannadada Deepa

Karunadinavariva Nereteevi Bhaavadali
Jeevanaadi Nudisevu
Teretereda Kanninali NehavereDu
Nava Jyothiyanne Mudisevu
Nammannavundu Anyaayagiyu
Vanthavara Huccha Bidisevu
Ihudemage Chalavu, Kannadara Balavu Kannadada Olavu - Hidi Nenavu
Nammadeya KechchunechchugalanooDi Hacchevu Kannadada Deepa

Nammavaru Galisida Hesara UlisallelLaru OndugoDevu
Nammadeya Midiyuvi Maatinali
Maateyanu Pooje Maadevu
Nammusiru Theeduvi Naadinalli
Maangalya Geetha Haadevu
Toredevu Marula, Kadedevu Irula Padedevu Thirula - Hidi Nenapa
Karulemba Kudige Minchanne Mudisi Hacchevu Kannadada Dee

Song information

Genre: Bhavageethe

Lyricist: D.S. Karki

Composer: C. Ashwath

Explore this song