ഗാന്ധർവ്വത്തിനു

Malayalam lyrics

ഗാന്ധർവ്വത്തിനു ശ്രുതി തേടുന്നൊരു
ഗായകനുണരുമ്പോൾ
കാംബോജിയതിൻ പ്രണവധ്വനിയായ്
ഭൂമിയിൽ നീ വന്നൂ
ഈറനുടുക്കും താഴ്വാരങ്ങൾ
താലമെടുക്കുമ്പോൾ
ഏഴു സ്വരങ്ങളിലൂടെ നീയെന്റെ
നാവിലുദിക്കുന്നു
 
ഏദൻ തോട്ടമിതിൽ
ഏകാന്ത കാമുകൻ ഞാൻ
ആദമായ് കാത്തു നില്പൂ
ആദമായ് കാത്തു നില്പൂ
ഹവ്വേ ഹവ്വേ
ഒരുങ്ങി വരൂ ഒരുങ്ങി വരൂ
ദൈവശാപത്തിന്റെ കനി പറിക്കാതെന്റെ
ആത്മാവിന്നൾത്താരയിൽ ജീവിത
സ്നേഹത്തിൻ ദീപമാകൂ
 
 
ശ് അബാൻ മടങ്ങുന്ന നാളിൽ
ഷാജഹാൻ പാടുന്ന രാവിൽ
മൂകാനുരാഗത്തിൻ പ്രേമകുടീരത്തിൽ
മുംതാസെഴുന്നള്ളിയോ എന്റെ
മുംതാസെഴുന്നള്ളിയോ
 
പനിനീർ മഴ പെയ്യും നിനവിൽ
തിരതല്ലും കനവിൻ പടവിൽ
പ്രണയാഭിലാഷത്തിൻ പാലൊളി തൂകുന്ന
റംസാൻ നിലാവെത്തിയോ
റംസാൻ നിലാവെത്തിയോ

Song video

Watch on YouTube