Malayalam lyrics

�ഏഴു സുന്ദര രാത്രികള്‍
ഏകാന്ത സുന്ദര രാത്രികള്‍
വികാര തരളിത ഗാത്രികള്‍
വിവാഹ പൂര്‍വ്വ രാത്രികള്‍...ഇനി
മാനസ സരസ്സില്‍ പറന്നിറങ്ങിയ
മരാള കന്യകളേ മനോഹരാംഗികളേ
നിങ്ങടെ പവിഴച്ചുണ്ടില്‍ നിന്നൊരു
മംഗളപത്രമെനിക്കു തരൂ
ഈ പൂ ഇത്തിരി പൂ പകരമീപൂവു തരാം
(എഴു സുന്ദര)
വാസര സ്വപ്നം ചിറകുകള്‍ നല്‍കിയ
വസന്ത ദൂതികളേ വിരുന്നുകാരികളേ
നിങ്ങടെ സ്വര്‍ണ്ണ തളികയില്‍ നിന്നൊരു
സംഗമദീപമെനിക്കു തരൂ
ഈ പൂ ഇത്തിരി പൂ പകരമീപൂവു തരാം
(എഴു സുന്ദര)

Song details

വര്‍ഷം: 1967

സംഗീതം: ജി ദേവരാജന്‍

ഗാനരചന: വയലാര്‍ രാമവര്‍മ്മ

ഗായകര്‍: പി സുശീല

രാഗം: മോഹനം

ഹിന്ദുസ്ഥാനി രാഗം: ഭൂപാളി, ഭൂപ്, ദേശ് കാർ, ജൈത് കല്യാൺ

അഭിനേതാക്കള്‍: ഷീല

വരികൾ: സൂസി

സ്പോട്ടിഫൈ: അജയ് മേനോൻ

Album: അശ്വമേധം