Malayalam lyrics

എങ്ങു പോയ് നീ എങ്ങു പോയ് നീ
എന്നെയും വേർപിരിഞ്ഞെങ്ങു പോയ് നീ
ഒരു തോണിയിൽ നമ്മൾ ഒന്നായ് തിരിച്ചവർ
മറുതീരമണയുമ്പോൾ എങ്ങു പോയ് നീ
ഇടിമിന്നലായ് തമ്മിൽ ഒത്തു ചേർന്നു
എന്നും മഴയായി സ്വയം പെയ്തലിഞ്ഞു നമ്മൾ
കരളിൽ തുടിക്കുമെൻ ആയിരം ചോദ്യങ്ങൾ
കേൾക്കാതെ പറയാതെ എങ്ങു പോയ് നീ (എങ്ങു..)

കാലമാം അഗ്നിയിൽ തളരാതെ ധീരരായ്
നമ്മളീ മണ്ണിൽ  വളർന്നതല്ലേ
എന്നെ തനിച്ചാക്കി നീയെന്തിനേകനായ്
അഗ്നിയിലേക്ക് നടന്നു പോയി (എങ്ങു...)

Song details

Music: സുരേഷ് പീറ്റേഴ്സ്

Film/album: തെങ്കാശിപ്പട്ടണം