Malayalam lyrics

ഏഴാം സ്വര്‍ഗ്ഗം കണ്ടു 
ഞാന്‍ ഏദന്‍തോട്ടം കണ്ടു
മദനോത്സവ താളങ്ങള്‍ 
നിന്നഴകായ് പുളയുമ്പോള്‍
ഏഴാം സ്വര്‍ഗ്ഗം കണ്ടു 
ഞാന്‍ ഏദന്‍തോട്ടം കണ്ടു
സാഗരം രതിസാഗരം നിന്‍ നീലനയനങ്ങള്‍
മാദകം ഈ രാവില്‍ നിന്‍ രൂപലാവണ്യം
അംഗോപാംഗങ്ങള്‍ തെളിയും 
തേന്‍മഴ പൊഴിയുമ്പോള്‍
താമരയിതളാല്‍ നീ കുളിരും 
നഗ്നത മറയ്ക്കുമ്പോള്‍
ഏഴാം സ്വര്‍ഗ്ഗം കണ്ടു 
ഞാന്‍ ഏദന്‍തോട്ടം കണ്ടു
മോഹിനി മദസുന്ദരി എന്‍ മാരകേളികളില്‍
മാറിലെ മണിമാലയായ് മാറുവാന്‍ അണയൂ
ചുംബനലഹരിയുമായ് പടരാന്‍ പൗരുഷമുണരുമ്പോള്‍
നാഗകന്യകയായ് ഇന്നെന്‍ 
സിരകളില്‍ ഇഴയൂ നീ
ഏഴാം സ്വര്‍ഗ്ഗം കണ്ടു 
ഞാന്‍ ഏദന്‍തോട്ടം കണ്ടു

Song video

Watch on YouTube

Song details

Music: എസ് പി വെങ്കടേഷ്

Film/album: ജെന്റിൽമാൻ സെക്യൂരിറ്റി