Roman script
ek samay ki baat suno ye baat hai badi purani
maine tumhare raju chacha se suni thi ye kahani
ik sher tha ik sherani unake the tin bachche
tum jaise vo shaitan the lekin
lekin lekin kya papa, lagate the sabko achchhe
chhoti si ik gufa ke andar chhota sa ik ghar tha
unake jivan me na koi dukh na koi dar tha
maan ke ladale the vo, baap ko jan se bhi pyare
hansate gate mauj udaate, mil ke rahate the sare
kya hua papa bolo na
honi ne jaal bichhaya vaha ek shikari aaya
vo sherani samane aayi usane banduk chalayi
vo sherani ghayal ho gai chillaayi tadapi so gai
usane phir aankh na kholi, sine me lagi thi goli
lekin vo marte marte ye kah gai chalte chalte
mere sathi mere sajna in bachcho ko pyar se rakhana
tum baap ho bhul na jana, ma ka bhi farz nibhana
he baap bhala kya jane ma kya hoti hai
bachcho ke sang kaise hansati kaise roti hai
usane bhi yun hansna rona sikh liya
bachcho ke sang jagna sona sikh liya
samay ruka phir dhire dhire chalne laga
man ka ghav dhire dhire bharne laga
baap ki ungali thaam ke bachche chalane lage
maa ke badale baap ki god me palane lage
saal mahine mausam aane jaane lage
sher ke bachche phir se hansane gane lage
baki kahani kal, chalo bachcho abhi so jaao
oh nahi papa nahi papa please
abhi sunao na papa please abhi abhi
achchha baba to suno
o raahul o rohit o rani suno aage ab ye kahani
pada uape phir gam ka saya vaha ek babbar sher aaya
vo gurraya chighada aise ke kha jayega sabko jaise
vo bachche to bas dar ke bhaage magar aa gaya baap aage
shuru ho gaya ek dangal, laga kanpane sara jangal
darakhto pe ja baithe bandar, chhupe saap bhi bil ke andar
kahi ud gaye sab kabutar, chadhe bhalu parabat ke upar
lage bhagane dar ke hathi, na tha sher ka koi sathi
hui khub jam ke ladayi, babbar ne bahut maar khayi
to bachcho ne tali bajayi
Explore this song