ദൂരെ ദൂരെ ദൂരേ തീരം തേടി

Malayalam lyrics

ദൂരെ ദൂരെ ദൂരേ
തീരം തേടി നീളെ പോകും
ഒരു വാനമ്പാടിയെപ്പോലെ
ദൂരെ ദൂരെ ദൂരേ
തീരം തേടി നീളെ പോകും
ഒരു വാനമ്പാടിയെപ്പോലെ
ചിന്തകൾതൻ ചിറകേന്തി മനമേ
പല പല ചോദ്യം തേടി അകലെ
യാത്ര പോവുക നീ (ചിന്തകൾ)
(ദൂരെ ദൂരെ)
പകൽ വിളക്കിൻ ഓ ഓ
പകൽ വിളക്കിൻ തിരി താഴ്ന്നെന്നാൽ
നാളെ വീണ്ടും കിഴക്ക് തെളിയുന്നു
എള്ളോളം പോന്നൊരു വിത്തിൽ നിന്നും
വൻമരമൊരുനാൾ മുളച്ചിടുന്നു
എന്തുകൊണ്ടെന്തുകൊണ്ടെന്തുകൊണ്ടെന്നൊരു
ചോദ്യവുമായി മനമുണർന്നു
അറിവിൻമലർ‌ തേൻ നുകർന്നു
(ദൂരെ ദൂരെ)
വിരിഞ്ഞ മലരും നാളുകൾ ചെന്നാൽ
പൊഴിഞ്ഞീമണ്ണിൽ പതിഞ്ഞലിയുന്നു
നീർക്കുമിളയിൽ തെളിയും ചിത്രം
വെറുമൊരു കാഴ്ച്ചയായി മായുന്നു
എന്തുകൊണ്ടെന്തുകൊണ്ടെന്തുകൊണ്ടെന്നൊരു
ചോദ്യവുമായി മനമുണർന്നു
അറിവിൻ മലർ‌തേൻ നുകർന്നു
(ദൂരെ ദൂരെ)

Song video

Watch on YouTube