Dheerasameere (Ambalaparambil) / ധീരസമീരേ (അമ്പലപ്പറമ്പില്‍)

Malayalam lyrics

ധീരസമീരേ യമുനാതീരേ
വസതിവനേ വനമാലീ
അമ്പലപ്പറമ്പില്‍ നിന്നൊഴുകിയൊഴുകിവരും
അഷ്ടപദി ഗാനം
മനസ്സില്‍ വാരിതൂവുകയാണൊരു
മധുര മധുര വികാരം....
ഏകാന്തതകളില്‍ ഉന്മാദമുണര്‍ത്തുമീ
മൂകാനുരാഗ സംഗീതം(ഏകാന്തതകളില്‍..)
അഭിലാഷങ്ങളെ ചിറകണിയിക്കുമ്പോള്‍
അടിമുടി കോരിത്തരിച്ചു പോകും
ഞാന്‍ അടിമുടി കോരിത്തരിച്ചു പോകും
(അമ്പലപ്പറമ്പില്‍...)
ഇതിലേ ഒഴുകും പൂനിലാവൊരു യമുനയായിരുന്നെങ്കില്‍
കരയില്‍ നില്‍ക്കുമീ രാധതന്നരികില്‍
വരുമായിരുന്നു കളിതോഴന്‍ തേടി
വരുമായിരുന്നൂ കളിത്തോഴന്‍......
(അമ്പലപ്പറമ്പില്‍...)