Chithrashila Theril / ചിത്രശിലാത്തേരിൽ

Malayalam lyrics

ചിത്രശിലാത്തേരിൽ വന്ന തെന്നലേ
ചൈത്രഗന്ധമേകി രാഗകന്യകേ...
സ്മൃതിപഥത്തിൽ നിൽക്കുമീ അനുരാഗവതിയുടെ
പ്രണയദൂതു പ്രിയതമനോടൊന്നു ചൊല്ലുമോ...
(ചിത്രശിലാത്തേരിൽ...)
കല്പനതൻ കസ്തൂരി പൊയ്കപ്പടവിൽ
ശ്രീപർണ്ണം കുറിചാർത്തും കുളിരുഷസ്സിൽ ...(2)
ശ്രീതെച്ചിതളിർ ചൂടി ശ്രീരാഗം പാടുന്ന
കളഹംസമേ....
പ്രിയനോടെൻ സന്ദേശം ചൊല്ലി വരാമോ....
ചൊല്ലി വരാമോ....
(ചിത്രശിലാത്തേരിൽ...)
ശില്പകലാസൗധത്തിൻ മണിമുറ്റത്തു്
നീരാളിപ്പൂമുത്തിൻ കടുക്കനിട്ടു്...(2)
നീൾമുകിലറിയാതെ നീർക്കാപ്പിനെത്തിയ
കളഹംസമേ....
പ്രിയനോടെൻ വിരഹം പോയ്‌ ചൊല്ലി വരാമോ....
ചൊല്ലി വരാമോ....
(ചിത്രശിലാത്തേരിൽ...)