Chinga Thiruvona Sooryodayam / ചിങ്ങ തിരുവോണ സൂര്യോദയം

Malayalam lyrics

ചിങ്ങത്തിരുവോണ സൂര്യോദയം
ചിത്ര വർണ്ണാങ്കിത രമ്യോദയം
മാവേലി മന്നന്റെ തിരുവരവേല്‍പ്പിനു
മലയാളമൊരുങ്ങുന്ന ദിവ്യോദയം
[ചിങ്ങത്തിരുവോണ]
തിരുമേനി എഴുന്നള്ളുമീ സുപ്രഭാതത്തിൽ
തിരുമുറ്റത്തായിരം പൂക്കളങ്ങൾ
വരവർണ്ണിനികൾ മലയാളമങ്കകൾ
വളയിട്ട കൈകളാൽ ഒരുക്കുമ്പോൾ
ഇതുവരെയില്ലാത്തൊരാത്മ നിർവൃതിയിൽ
ഹൃദയം കുളിരല ചൂടുന്നു
[ചിങ്ങത്തിരുവോണ]
തളിരോടു തളിർ ചൂടുമീ പുണ്യവേളയിൽ
തൃപ്പൂക്കളങ്ങൾക്ക് ചുറ്റും
മാദകവാണികൾ മദഭരിതാംഗികൾ
മധുമയ ലാസ്യങ്ങൾ നടത്തുമ്പോൾ
ഇതുവരെയില്ലാത്തൊരാനന്ദ ലഹരിയിൽ
ഹൃദയം രോമാഞ്ചമണിയുന്നു
[ചിങ്ങത്തിരുവോണ]